ANG PLANO O PAGBUOT SA DIOS
ANG IYANG LARAW SA TAWO
Jeremias 29:11-13 Ako lamang ang nasayud sa akong laraw alang kaninyo: sa paghimo kaninyong mauswagon inay maalaot ug paghatag kaninyog kaugmaon nga inyong gipangandoy. 12. Unya mosangpit kamo ug moduol kamo ug magampo kanako ug tubagon ko kamo. 123. Mangita kamo kanako ug makaplagan ako ninyo sa dihang kinasingkasing ang inyong pagpangita kanako.
Plano o laraw sa Dios sa dihang gihimo Niya ang tawo sama sa Iyang dagway ug pagkamao nga aduna siyay kinabuhi nga dayon, madagayaon o mauswagon, malipayon ug gawasnon.
Niadtong miaging Viernes atong gihisgotan ang pahimangno sa Dios ngadto sa mga Hebreohanon nga nagaingon: “Hinumdomi ninyo ang GINOO nga inyong Dios kay Siya ang naghatag kaniny0g gahom aron kamo mangadato ug niining paagiha gipamatud-an niya ang kasabotan nga iyang gihimo tali kaniya ug sa inyong katigulangan.
Usa sa maayong tulomanon sa kanunay pagpahinumdom sa tawo sa iyang kaangtanan sa buhi nga Dios mao ang halad ngadto Kaniya sa ikapulo. Ang ikapulo sa atong mga abut – abut sa yuta, sa panagat, sa sueldo ug ganansiya sa negosyo – usa ka mapasalamatong paghinumdom nga ang tawo usa lamang ka sinaligan sa Dios. Sinaligan o mayordomo o mahistrador. Ikaduha pinaagi sa ikapulo ginatahud sa tawo ang Dios nga mao lamang ang iyang pagasimbahon. Ikatatlo, ginadawat niya ang iyang pagkamahistrador sa 90% sa bahandi ilalom sa iyang padumala. Busa tungod kay kasaligan man siya sa gamay nga butang, gipanalingan siya sa madagayaon gayud
nga bahandi. Ang iyang panimalay malipayon ug mahimsog sa panglawas ug ang manga katawhan nagatahud ug nagaila kaniya nga ang himaya sa Dios maoy nagapanalipud
kaniya. Busa gihagit ko kamo sa pagdala sa inyong mga ikapulo ngadto sa Simbahan aron kamo mabulahan nunot sa paguswag sa inyong simbahan
Padayonon nato ang pagtuon ug pagila sa laraw sa GINOONG Dios sa atong kinabuhi dinhi sa yuta. Si Propeta Jeremias nagapadayag sa laraw sa Dios bahin sa Iyang katawhan sa pag-ingon: “Ako lamang ang nasayud sa akong mga laraw alang kaninyo: sa paghimo kaninyong mauswagon inay maalot ug paghatag kaninyog kaugmaon nga inyong gipangandoy. 12. Unya mosangpit ug moduol kamo ug magampo kanako ug tubagon ko kamo.” Unsa ang ginasulti sa GINOO? “Ako lamang ang nasayud sa akong laraw alang kaninyo: sa paghimo kaninyong mauswagon, ug paghatag kaninyog kaugmaon.” Kinsa ang laing nasayud sa plano o laraw sa Dios alang kaninyo? Siya lamang. Busa nga Siya lamang ang toohan, simbahon ug alagaron. Kong mosangpit ka sa ngalan sa laing diyos,
Siya masuko ug tunglohon ka Niya. Ayaw pagpakasama sa mga manggialamong mga tawo sa Roma. Sumala ni San Pablo nakaila sila sa matuod nga Dios apan mao ang ilang
Ginasimba ang mga larawan sama sa tawo, hayop, langgam. Ang himaya sa Dios nga Buhi ilang giilisdan sa dagway nga binuhat sa ilang mga kamot. Ang Dios abubhoan. Dili siya motugot ug laing dios gawas Kaniya. Unsa ang laraw sa Dios alang kaninyo? “Paghimo kaninyong mauswagon.” “Siya mao ang naghatag kaninyog gahum aron mangadato.” Walay usa sa mga linuwas sa GINOONG JesuCristo nga nagailaid sa kapobrehon. Dili mao kana ang laraw sa Dios alang kaninyo. Si JesuCristo nagaingon
“Ako mianhi aron sa paghatag ug kinabuhi ug kana sa madagayaon gayud.”
Kinahanglan mausab ang inyong panglantaw sa kinabuhi. Tanawa nga ikaw mauswagon. Tuhoi nga ikaw maoy nagauna ug naa sa ibabaw Tun-i ug sunda, tumana ang kalagdaan sa GINOO ug ang Iyang panalangin mosunod kanimo ug mouna kanimo .Ug sa imong paguswag ang mga katawhan mangahadlok kaninyo tungod kay nakita nila ang kamot sa Dios mao ang nagapanalipud kaninyo ug nagahimo kaninyo nga adunahan ug gamhanan. Masayag ang imong kaugmaon kauban sa imong mga anak (Deut 28:1-14).
Usbon ko ang panaad sa GINOONG Dios nga gisulti pinaagi kang propeta Jeremias
sa Jeremias 29:11_13 nga nagaingon: “Ako lamang ang nasayud sa akong mga laraw alang kaninyo: sa paghimo kaninyo nga mauswagon, inay maalaot ug paghatag kaninyog kaugmaon nga inyong gipangandoy. Unya mosangpit ug moduol kamo ug magampo kanako ug tubagon ko kamo. Mangita kamo kanako ug makaplagan ako ninyo sa dihang kinasingkasing ang inyong pagpangita kanako.”
Mga kaigsoonan sa Ginoong JesuCristo, anaa kaninyo ang pulong ug panaad sa GINOO alang kaninyo. Ayawg kaulaw, kahadlok, o kaikog. Ang GINOONG anaa kanimo maoy imong kusog, gahum, ug panalipud.
4-24-08
I.T. HiponiaKini nga mensahe alang sa mga mgbabasa nga Bisaya. Hinaut nga ang pulong sa Dios maga dulot sa inyong hunahuna ug kasingkasing.
