NGANONG GIPANGITA NINYO BUHI DIHA SA MGA PATAY?

Lukas 24:1-7 “Sayo sa pagkaDomingo sa buntag miadto sa lubnganan ang mga babaye dala ang mga pahumot nga ilang giandam. Ug nakita nila nga naligid na ang bato nga giali sa pultahan sa lubnganan. Busa misulod sila apan wala nila hikit-I ang lawas sa GINOONG Jesus. Samtang nagbarog sila didto nga nangalibog mahitungod niini, sa kalit mitungha sa ilang tupad ang duha ka lalaki nga nagsul-ob ug sulaw nga bisti. Nangalisang pag-ayo ang mga babaye ug miduko sila samtang miigon kanila ang ,duha ka lalaki, “nganong gipangita ninyo ang buhi diha sa mga patay? Wala na siya dinhi! Nabanhaw siya! Hinumdomi ang iyang gisulti kaninyo didto sa Galilea: Ang Anak sa Tawo kinahanglan nga itugyan ngadto sa mga kakasasala ug ilansang sa kros ug unya banhawon sa ikatatlong adlaw.”

Daghan ang mga nagabaton sa pagtulon_an nga nagaingopn “Motuo ako kong adunay namatay ug mibalik sa kalibutan aron mopamatuod nga adunay kinabuhi luyo sa kamatayon.” Ang Balaang Kasulatan nagapamatuod nga adunay namatay, gilubong ug sa ikatatlong adlaw nabanhaw ug sa kap-atan ka adlaw misaka sa langit aron mahimo nga GINOO sa mga guinoo ug Hari sa mga hari.” Sa dinhi pa siya sa yuta siya miingon “Kay ako buhi man mabuhi usab kamo” (Juan 14:16) Siya miingon usab “Ako mao ang pagkabahaw ug ang kinabuhi. Ang nagtuo kanako, bisan tuod namatay mabuhi. Ug ang tanan nga buhi ug mitoo kanako dili gayod mamatay” (Juan 11:25-26).

Si San Pablo nagapamatuod sa 1 Corinto 15:3-8 “Gitudlo ko kaninyo ang akong nadawat nga mahinungdanon kaayo ; kini mao nga si Cristo namatay alang sa atong mga sala sumala sa nahisulat sa Kasulatan. Nagpakita siya kang Pedro ug unya ngadto sa 12 ka mga apostoles. Unya sa usa ka higayon nagpakita siya ngadto sa kapin ka 500 sa iyang sa iyang mga sumosunod ug kadaghanan kanila buhi pa. Unya siya nagpakita kay Santiago ug sa tanang apostoles. Sa katapusan nagpakita usab siya kanako… .”

Ang Pinakadakung Maayong Balita , ang pinakamatahom balita mao ang pagkabanhaw sa GINOONG Jesukristo.Sayo kaayo sa kabuntagon sa unang adlaw sa semana miadto sa lubnganan ang mga babaye nga si Maria nga inahan ni Jesus, si Maria nga igsuon ni Lazarus, si Juana ug uban pang kababayen-an nga kauban nila miadto sa lubnganan aron sa paghuman sa pagembalsamar sa lawas ni Jesus. Nangalibog sila kay wala na nila nakita ang patay nga lawas ni Jesus. Mitungha kanila ang duha ka lalaki nga nagsul-ob ug sulaw nga bisti. Ang duha ka lalaki nangutana kanila “Nganong ginapangita man ninyo ang buhi diha sa mga patay? Wala na siya dinhi. Nabanhaw siya!”(Lukas 24:5-6)

Ang gipangita nila ni Maria mao ang patayng lawas ni Jesus. Wala gayod sila magtoo nga nabanhaw si Jesus. Ang mga tinun-an dili usab makatoo nga nabanhaw si Jesus Gibati nila ang dakung kahibulong ug kahadlok ang gipamalita sa mga kababayen-an.
Wala pa sila makasabot nga ang pagkabanhaw sa GINOONG JesuCristo mao ang gahum sa Dios alang sa kaluwsan sa tanang katawhan. Mas masayon tuhoan ug sundon ang patay nga Jesus. Mao kini ang anaa sa hunahuna ni Pedro didto sa pagbag-o sa nawong ni Jesus sa taas nga bungtod sa Moriah diin si Pedro misulti kang Jesus nga buhaton ang tulo nga tolda nga simbahan – kang Moses, kang Elias, ug kang Jesus. Niadtong adlawa wala maghunahuna si Pedro nga si Jesus nga Messiyas mamatay alang sa kaluwasn sa katawhan ug mabanhaw gikan sa kamatayon. Masayon ang pagalagad sa patayng Jesus. Madali awaton ang iyang pagtulon-an. Ang Budha usa ka magtutudlo. Ang iyang mga templo dagku Didto ginadala sa mga Budhista ang ilang mga halad ug sacrificio ug mga pag-ampo.
Ang mga Indian adunay mga dagku nga templo alang sa ilang patayng mga guru.
Mamao usab si Mahomet sa mga Moslem. Si Marcos, Lenin, Stalin, Mossulini, Napoleon. Sila nga tanan mga bantugang tawo sa ilang panahon ug ang ilang
mga lawas karon nangaabog. Si Jesus lamang ang nabanhaw ug nagapadayon nga buhi ug gamhanan.
Ang kalibutan nagapadayon pagpangita sa buhi nga Dios diha sa mga patay samtang ang buhi nga Dios walay undang ang pagtawag kanila nga moduol
Kaniya “Umari kamo kanako kamo nga gikapuyan ug gibug-atan kay papahulayon ko kamo” (Mat 11:28). “Ngari kamo ug maghusay kita. Bisag unsa ka pula ang inyong mga sala, maputi kini kaayo. bisan pa kini dagtom-pula maputi kini sama sa balhibo sa karnero”(Isa1:18).
Ang Buhi nga Cristo magabag-o sa inyong kinabuhi. Kinabuhi nga nabanhaw, kinabuhi nga napuno sa madagayaong panalangin ug bahandi sa Dios.Mga higala ug kaigsuonan ko sa GINOONG Jesus duol na sa GINOONG JesuCristo.
Dawata ang kaluwasan sa inyong kalag. Dawata ug pasalamati Siya sa pagpasaylo sa inyong kasal-anan ug pag-ayo sa inyong mga balatian Biyai ang patay nga ugali ug ang tanang matang sa pagsimba sa mga patay nga dios-dios. Si Jesus nabanhaw ug karon atua sa kiliran sa Makagagahom nga Dios Ug nagapangalipo alang kanato. Si Jesus nabanhaw. Ayaw siya pangitaa diha sa mga patay. Buhi siya! Saulogon nato ang bag-ong kinabuhi nga gasa ni Jesus kanato.

Mag-ampo kita. Amahan namo sa langit mapasalamaton kami sa imong pagbanhaw sa GINOONG Jesus. Daku uyamot ang iyang paghigugma kanamo sapagkaagi nga gihalad niya ang iyang kinabuhi sa pagkamatay sa cros ug sa iyang dugo nga giula alang sa paglinis ug pagkuha sa tanang tunglo sa sala ug kamatayon. Kami karon makatawag kanimo nga among Amahan nga nagahigugma kanamo.Sukad karon ug hangtud sa kahangturan puy-I kami ug gamhi kami sa kanunay. Salamat GINOONG Jesus sa imong pagluwas kanamo ug pag-ayon sa among mga balatian. Puy-I kami ug pun-a sa Balaang Espiritu nga sa kanunay magapalig-on ug magatudlo kanamo sa matarong nga kinabuhi. Amen.